Page header hundai

  • काठमाडौं । नेपाल तरुण दलले तराईका आठ जिल्लामा ‘एक तरुण एक राहत’ अभियान सम्पन्न गरेको छ । केही समयअघिको बाढी र डुबानबाट पीडित तराई मधेसका सप्तरी, सिरहा, धनुषा, महोत्तरी, सर्लाही, रौतहट, बारा र पर्सामा यो अभियान लिएर गएको अध्यक्ष जितजंग बस्नेतले बताए । ती जिल्लामा करिब १० हजार रुपैयाँ बराबरका राहत बाढीपीडितलाई हस्तान्तरण गरिएको उनको भनाइ छ । 
    ‘एक तरुण एक राहत’ अभियानमा तरुण दल कास्कीले केन्द्रलाई तीन लाख, चितवन जिल्ला कार्यसमितिले एक लाख नगद प्रदान गरेको थियो । तरुण दलको अभियानका लागि अमेरिकामा रहेका नेपालीले सात लाख सात हजार रुपैंयाँ संकलन गरी तरुण दलका अध्यक्ष बस्नेतलाई पठाएका थिए ।
    देश तथा विदेशबाट प्राप्त सहयोग बोकी तराईको पीडामा मलम लगाउन तरुण दल अध्यक्ष बस्नेतको टोली नगद, औषधि, खाद्यान्न, ब्ल्यांकेट तथा पाल लिएर प्रदेश २ झरेको थियो । तरुण दलले धनुषामा एक लाख नगद, २७५ वटा ब्ल्यांकेट, ३५ थान त्रिपाल, ड्राइफुड बाकस १५ र चामल १९ बोरा वितरण गरेको थियो । 
    यस्तै, महोत्तरीमा दुई लाख नगद, रौतहटमा पौने दुई लाख नगदसहित ८० थान मण्डी प्रदान गरेको थियो । बारामा डेढ लाख र पर्सामा एक लाख तथा ५०–५० थान ब्ल्यांकेट वितरण गरेको थियो । बाढी प्रभावित जिल्लाका तरुण दल अध्यक्ष तथा कांग्रेस जिल्ला पार्टी र भ्रातृसंगठनहरूको उपस्थितिमा राहत सहयोग वितरण गरिएको अध्यक्ष बस्नेतले जानकारी दिए । अध्यक्ष बस्नेतसँगै राहत वितरण अभियानमा तरुण दल उपाध्यक्ष उत्तम चापागाई, महासचिव भुपेन्द्रजंग शाही र कोषाध्यक्ष विद्वान गुरुङलगायतका नेताहरू खटिएका थिए ।
    बाढीपीडितलाई राहत वितरण गरिसकेपछि तरुण दल प्रदेश २ को स्थानीय तहको निर्वाचन प्रचार प्रसारमा जुटेको थियो । पार्टी केन्द्रको निर्देशनअनुसार मधेसका आठै जिल्लामा तरुण दलको केन्द्रीय समिति र जिल्ला समिति चुनावी प्रचार प्रसारमा लागेको अध्यक्ष बस्नेतको भनाइ छ । ‘बाढीपीडितलाई राहत वितरण अभियानसँगै हामी प्रदेश २ का जिल्लामा चुनाव प्रचार प्रसारमा पनि खटियौं, जसले गर्दा मधेसका जिल्लामा कांग्रेसको पक्षमा चुनावी माहोल निकै राम्रो बन्न पुग्यो,’ बस्नेतले तरुणसँग भने ।

Ghar Bheti Animal Nepal
  • सहमतिपछि डा केसीको अनशन तोडियो

    काठमाडौं । सरकारसँग १० बुँदे सहमतिपछि प्राडा गोविन्द केसीले १४ दिनदेखिको अनशन हिजो अन्त्य गर्नुभएको छ । प्रधानमन्त्री निवास बालुवाटारमा…

  • आज धनधान्यकी देवी लक्ष्मीको पूजा

    काठमाडौं । यमपञ्चक अर्थात् तिहारको तेस्रो दिन आज साँझ ऐश्वर्य, धनधान्य र सम्पन्नताकी देवी लक्ष्मीको पूजा आराधना गरी श्रद्धा भक्तिपूर्वक…

  • सेनाले बोलायो पृतना सम्मेलन

    काठमाडौं । नेपाली सेनाले मुलुकको शान्ति सुरक्षालगायत समसामयिक विषयमा छलफल गर्न आगामी कात्तिक १७ गते पृतना सम्मेलन आयोजना गर्ने भएको…

  • भावी कमाण्डरको के छ अवस्था 

    पञ्चायतको नसा, प्रकाशमानविरुद्ध काठमाडौं । नेपाली कांग्रेसका नेता प्रकाशमान सिंहसँग बदला लिने घोषणाका साथ रवीन्द्र मिश्र काठमाडौं क्षेत्र नम्बर १…

  • यसरी सन्तुलित बन्यो संसदीय समिति

    काठमाडौं । नेपाली कांग्रेसका सभापति शेरबहादुर देउवाले दुई चरणमा गरी २२ सदस्यीय संसदीय समिति गठन गरेका छन् । गत मंगलबार…

  • गृह मन्त्रालय कांग्रेसले नै सम्हाल्ने

    काठमाडौं । सत्ता समीकरणलाई धोका दिँदै माओवादी केन्द्रले एमालेसँग गठबन्धन गरेपछि मन्त्रिपरिषद् विस्तारका लागि प्रधानमन्त्री शेरबहादुर देउवा बाध्य भएका छन्…

  • देउवाका चुनौती कम र अवसर धेरै

    नेपाली कांग्रेसका सभापति शेरबहादुर देउवा संसद्को करिब दुई तिहाइ मत प्राप्त गरी  चौथो पटक मुलुकको प्रधानमन्त्री बनेका छन् । चार–चारपटक…

  • प्रस्तावित राजदूतको संसदीय सुनुवाइ

    काठमाडौं । व्यवस्थापिका संसदीय सुनुवाइ विशेष समितिले भारत र चीनका लागि प्रस्तावित राजदूतहरु क्रमशः द्वीपकुमार उपाध्याय र पूर्व मुख्यसचिव लीलामणि…